Dialect

Level

Community

Teaching

Theme

Topic

Storyteller


About this catalogue
Here you can listen to and download stories and other audio material (mp3) in East Cree. You can also select them and download them to put on a CD to share with your class. We ask that you do not transcribe, translate or reproduce these stories without prior permission from the Cree School Board.

Page 2 of 2, showing 3 records out of 23 total, starting on record 21, ending on 23

12next >
ᐹᔨᐧᑳᐤ ᐋᐦ ᐱᐳᐦᒡ ᐊᓂᑖᐦ ᓅᐦᒋᒦᐦᒡ

ᐋᔪᐧᐃᒄ ᑖᐹᒋᒧᑦ ᓵᒻᓯᓐ ᐊᓂᔮ ᐅᔥᑭᒡ ᑳ ᐧᐄᐅᐧᐃᑦ᙮ ᐧᐄᔨ ᓵᒻᓯᓐ, ᐧᐄᐤᐦ, ᐅᐦᑖᐧᐄᐦ ᑭᔮᐦ ᓈᐹᔑᔥᐦ ᑭᔮᐦ ᐃᔥᐧᑳᔑᔥᐦ ᒌᐦ ᐧᐄᒋᒫᒋᒑᓂᒌ ᐊᓂᔮ ᐋᑎ ᐱᐳᓂᔨᒡ ᑳ ᑯᔅᐱᐦᐊᐦᒡ᙮ ᒫᐧᑳᒡ ᒫᒃ ᐋᑎ ᐱᒫᔑᒡ, 3 ᒌ ᓂᐱᐦᐋᒑ ᒋᔖᔮᒄᐦ ᓵᒻᓯᓐ᙮ ᒑᒃ ᐧᐋᑎᑎᐦᐧᐋᒡ ᐧᐄᔥᑖᐤᐦ ᐊᓂᑖᐦ ᐹᐦᑐᐧᐃᑭᒦᐦᒡ᙮ ᐋᔪᐧᐃᒄ ᐊᓂᔮ ᒫᐦᒋᒡ ᐹᐳᓂᔨᒡ ᐹᒫᑎᓯᔨᒡᐦ ᐊᓂᔮᐦ ᐧᐄᔥᑖᐤᐦ᙮ ᑭᔨᐧᐹ ᒥᔥᑏᐦ ᓈᐱᐦᐋᒡ ᓂᒫᔅᐦ ᒫᐧᑳᒡ ᐋ ᐋᒥᔨᒡᐦ᙮ ᔖᔥ ᓈᔥᒡ ᓂᒥ ᐅᐦᒋ ᐃᐦᑖᔨᐤᐦ ᐊᑎᐦᒄᐦ᙮ ᐊᓂᔮ ᒫᒃ ᐋᑎ ᐱᐳᓂᔨᒡ, ᒑᒃ ᓂᒥ ᓈᔥᒡ ᐅᐦᒋ ᒦᒋᓱᐧᐃᒡ᙮ ᐹᔨᐧᑳᐤ ᐋᐦ ᐧᐋᐱᒫᒡ ᐊᑎᐦᒄᐦ ᓵᒻᓯᓐ ᑭᔮᐦ ᐧᐄᔥᑖᐤᐦ, ᓂᒥ ᒌᐦ ᓂᐱᐦᐋᐧᐃᒡ᙮ ᒧᔮᒻ ᔖᔥ ᐋ ᒋᔅᒑᔨᐦᑎᒥᔨᒡᐦ ᐊᓂᔮᐦ ᐧᐄᔥᑖᐤᐦ ᐧᐄᐱᒡ ᒋᐦᐋᑳ ᔖᔥ ᐱᒫᑎᓯᔨᒡᐦ᙮ ᐹᔨᐧᑳᐤ ᐋᐦ ᒋᑐᐦᑖᔨᒡᐦ ᒫᐧᑳᒡ ᐋᐦ ᐱᐹᔑᐧᑳᑎᓂᔨᒡ, ᐋᑯᑎᐦ ᑳᐦ ᐧᑖᔑᓂᔨᒡᐦ ᓰᐲᐦᒡ᙮ ᓂᒧᐃ ᒫᒃ ᐅᐦᒋ ᒋᔅᒑᔨᐦᑖᑯᓂᔨᐤ ᐧᐃᔨᐤ ᐊᓐ ᓈᐹᐤ᙮

Age 6+
ᑳ ᑭᐧᐃᐦᑭᑖᑦ ᐊᐧᐋᔑᔥ

ᐋᔪᐧᐃᒄ ᑖᐹᒋᒧᑦ ᓵᒻᓯᓐ ᐊᓂᔮ ᑳ ᑭᐧᐃᐦᑭᑖᔨᒡᐦ ᐊᐧᐋᔑᔥᐦ᙮ ᐊᓂᔮ ᐋ ᐊᑎ ᑎᐧᑳᒋᓂᔨᒡ, ᔖᔥ ᒋᔅᒑᔨᐦᑎᒧᒡ ᓈᔥᒡ ᒑ ᐋᔨᒥᓂᔨᒡ ᐊᓂᔮ ᓈᔥᒡ ᐋᑳ ᐃᐦᑎᑯᓂᔨᒡ ᒦᒋᒥᔨᐤ᙮ ᒌᐦ ᒥᐦᒑᑎᐧᐃᒡ ᐊᓂᔮ ᐋᐦ ᐧᐄᒋᒡ᙮ ᒥᔑᐤ ᒫᒃ ᓈᐱᐦᐋᑦ ᑳᒄᐦ, ᐊᐱᔑᔥ ᐱᔮᐤᐦ ᑭᔮᐦ ᓂᒫᔅᐦ, ᐋᑯᑎᐦ ᐧᐋᐦᒋ ᐱᒋᒡ᙮ ᐃᔨᐦᒡ ᐱᔥᒡ ᐋᔑ ᐱᒋᒡ᙮ ᒑᒃ ᒫᑎᐦᑖᒡ ᐊᑎᐦᒄᐦ, ᓂᔥᑐ ᓈᐱᐦᐋᒡ᙮ ᓵᒻᓯᓐ ᓈᑎᐧᐋᐱᒫᑦ ᐊᓂᔮᐦ ᑯᑎᒃᐦ ᐄᔨᔨᐤᐦ ᐊᓂᑖᐦ ᐋ ᐃᐦᑖᒡ ᒑ ᐹᒋᔥᐱᒋᔨᒡᐦ᙮ ᐊᓂᔮ ᒫᒃ ᐋᑎ ᒥᑎᐦᑖᑦ ᔖᔥ ᒋᔅᒑᔨᒫᐤ ᓈᔥᒡ ᐋᑳ ᒥᔪᐱᔨᔨᒡᐦ᙮ ᐹᔨᒄ ᐊᓂᔮᐦ ᐋᐦ ᒌᐦ ᐱᐦᒋᔑᓂᔨᑯᐱᓈᓂᐦᐄ ᑭᔮᐦ ᐋᑯᑎᐦ ᒌᐦ ᐅᐦᒋ ᒌᐧᐋᑖᐹᓈᓂᐧᐃᔨᒋᒑᓂᐦᐄ᙮ ᐊᓂᔮ ᒫᒃ ᐧᐋᑎᐦᑎᒃ ᒦᒋᐧᐋᐦᐱᔨᐤ, ᐋᑯᑎᐦ ᒑ ᐊᑎ ᐃᔥᐧᑳᓈᔨᒋᒑᓂᐦᐄ ᐊᐧᐋᔑᔥᐦ ᐋᐦ ᒌᐦ ᑭᐧᐃᐦᑭᑖᔨᒡᐦ᙮ ᒥᔑᐤ ᒫᒃ ᒦᓐ ᐹᒋᒡ, ᐋᑯᑎᐦ ᒦᓐ ᓈᐱᐦᐋᑦ ᓵᒻᓯᓐ 3 ᐊᑎᐦᒄᐦ, ᑭᔮᐦ ᐋᑯᑎᐦ ᐊᑎᑎᐤ ᐧᐋᐦᒋ ᒥᒦᐦᐧᑳᒋᐦᐅᒡ᙮ ᒫᐧᑳᒡ ᒫᒃ ᐋ ᓂᑑᐦᐅᒡ, ᐧᐃᔮᐱᐦᑖᒡ ᓂᒋᑰᓃᔨᔨᐤᐦ᙮ ᒫᑎᐦᑖᒡ, ᐋᑯᑎᐦ ᐧᐃᔮᐱᒫᒡ ᓈᐹᔑᔥᐦ ᐋᑳ ᒌᐦ ᐋᔨᒥᔨᒡᐦ ᐋᐦ ᓈᒋᑯᔅᒑᔨᒡᐦ᙮ ᐊᓂᑖᐦ ᐋᔑ ᐊᑐᐦᐋᒫᑯᒡ ᒦᒋᐧᐋᐦᑉᐦ ᐋ ᐃᐦᑎᑯᓂᔨᒡᐦ᙮ ᐋᑯᑎᐦ ᒫᒃ ᐧᐋᔨᐱᔥᒌᔥ ᒥᔮᓂᑖᐦᑭᐧᐋᒡ᙮ ᐊᓂᔮ ᒫᒃ ᑳ ᐊᑎ ᒌᐧᐋᒡ, ᑳ ᐃᔑ ᐧᐄᒑᐅᑯᒡ ᐊᓂᔮᐦ ᐱᔥᒡ ᓈᐹᐤᐦ ᐊᓂᑖᐦ ᐧᐄᔨᐧᐋᐤ ᐋᐦ ᐧᐄᒋᒡ᙮

Age 10+
ᑳ ᑭᐧᐃᐦᑭᑖᒡ ᐧᐋᔑᐹᐱᓂᐤ ᐋᐦ ᐹᔨᑯᑖᐅᓰᒡ

ᐋᔪᐧᐃᒄ ᑖᐹᒋᒧᑦ ᓵᒻᓯᓐ ᑳ ᑭᐧᐃᐦᑭᑖᔨᒡᐦ ᐊᓂᔮ ᐹᔨᑯᑖᓂᐤ ᐧᐋᔑᐹᐱᓂᐤ ᑳ ᐃᓯᓂᐦᑳᓱᔨᒡᐦ᙮ ᐊᓂᔮ ᐧᑖᒥᔅ ᐧᐋᔑᐹᐱᓂᐤ ᑭᔮᐦ ᐅᐧᐄᒋᒫᑭᓐᐦ, 6 ᒌᐦ ᐃᐦᑎᔑᔨᐤᐦ ᐅᑯᓯᔅᐦ, ᓂᔥᑐ ᒌᐦ ᐧᐄᐅᐧᐃᔨᐤᐦ᙮ ᐋᑯᐦ 10 ᐧᐄᓵᐧᐋ ᑳᐦ ᐃᐦᑎᔑᔨᒡᐦ ᐅᔑᔑᒥᔥᐦ᙮ ᓈᔥᑎᔨᒡ ᒫᒃ ᒥᓯᐧᐋ ᒌᐦ ᑭᐧᐃᐦᑭᑖᔨᐤᐦ ᐊᓂᑖᐦ ᓅᐦᒋᒦᐦᒡ᙮ ᐊᓂᔮ ᑳ ᐴᒫᐦᐋᑭᓂᐧᐃᐧᐃᒡ ᒑ ᒥᔑᑳᒡ ᐧᕚᕐᑦ ᐧᒑᕐᒡ ᐊᓂᔮ ᑳᐦ ᐋᑎ ᓃᐱᓂᔨᒡ, ᐋᑯᑎᐦ ᑳ ᒋᔅᒑᔨᒫᑭᓂᐧᐃᐧᐃᒡ ᑳᐦ ᑭᐧᐃᐦᑭᑖᐧᐋᑯᐱᓈ᙮ ᐋᑯᑎᐦ ᑭᔮᐦ ᐹᑎᒫᐦ ᑳ ᒥᔅᑳᑭᓂᐧᐃᔨᒡ ᐊᓂᑎᐦ ᑳᐦ ᐧᐄᒋᐧᐋᑯᐱᓈ᙮ ᐋᔪᐧᐃᒄ ᑭᔮᐦ ᑖᐹᒋᒧᑦ ᓵᒻᓯᓐ ᐊᓂᑖᐦ ᐋᐦ ᓂᑑᐦᐅᑦ ᓈᐹᐤ ᐋᐦ ᒌᐦ ᑭᐧᐃᐦᑭᑖᑦ ᐋᑳ ᐅᐦᒋ ᐹᒋ ᒌᐧᐋᑦ᙮ ᐧᐄᔨ ᑭᔮᐦ ᐧᐄᐦᑎᒻ ᐊᓂᔮ ᐋ ᒌᐦ ᐃᐦᑎᒃ, ᓈᔥᒡ ᐋᐦ ᒌᐦ ᐊᑎ ᐱᔅᒑᐧᐋᑦ ᐅᐦᒋ ᐊᓂᔮ ᒦᒋᒥᔨᐤ ᐋᐦ ᒌᐦ ᐃᐦᑐᑖᑯᑦ᙮

Age 12+
12next >