ᐋᐅᒄ ᒌᐅᔑᐧᐋᔑᔥ ᒥᒄ ᐅᐦᑯᒻᐦ ᒌᐦ ᐧᐄᒋᒫᐤ᙮ ᓈᔥᒡ ᐋᐦ ᒫᔮᔨᒥᑯᑦ ᑯᑎᒃᐦ ᐊᐧᐋᔨᐤᐦ᙮ ᑳ ᑯᐧᑳᒋᒫᑦ ᐃᔥᐧᑳᔑᔥᐦ ᒑ ᐊᔑᒥᑯᑦ ᓂᒫᔅᐦ, ᓂᒥ ᐊᔑᒥᑰ᙮ ᐋᑯᐦ ᐊᑯᔮᑦ ᒌᐅᔑᐧᐋᔑᔥᐦ ᒥᑖᐦᑐᒌᔑᑳᐤᐦ ᒑ ᔫᑳᐱᐧᐃᑦ, ᐋᑯᐦ ᔫᑎᓂᔨᒡ ᑭᔮᐦ ᓂᒥ ᒌᐦ ᓈᑎᐦᐄᐹᔨᐤᐦ ᐄᔨᔨᐤᐦ᙮ ᐧᑳᓵᐱᐦᑎᐦᒃ ᒌᐅᔑᐧᐋᔑᔥ, ᐋᑯᐦ ᐋᑯᑎᐦ ᐧᐋᐦᒋ ᐃᐦᑎᑯᓂᔨᒡᐦ ᒦᒋᒥᔨᐤ ᐅᔮᑭᓂᐧᐋᐦᒡ ᑭᔮᐦ ᐅᑎᔅᒋᐦᑯᐧᐋᐦᒡ ᐊᓂᒌ ᐄᔨᔨᐅᒡ᙮ ᒑᒃ ᐧᐋᑯᔑᐦᐋᑦ ᐅᔅᒋᓃᒋᔅᐧᑳᐤᐦ᙮ ᐧᐋᐅᐧᐃᑦ ᐊᓂᔮᐦ ᐅᔅᒋᓃᒋᔅᐧᑳᐤᐦ ᒥᔑᐤ ᒑᔅᒑᔨᒥᑯᑦ ᐊᓂᔮᐦ ᐅᐦᑖᐧᐄᔨᐤᐦ ᐊᐧᐋᔨᐤᐦ ᑳ ᐅᑯᔑᔑᐦᐄᑯᑦ ᐊᓐ ᐅᔅᒋᓃᒋᔅᐧᑳᐤ᙮ ᐋᔪᐧᐃᒄ ᑭᔮᐦ ᓈᑭᒧᑦ ᓵᒻᓯᓐ ᒫᐧᑳᒡ ᐅᔮ ᐋᐦ ᐋᑎᔫᐦᒑᑦ᙮

Chiiwish Awaashish is an orphan living with his grandmother. Others tease him and mock him. He asks a group of girls for some fish but they refuse. He threatens to bring strong wind. The people cannot check their fish nets. He performs the shaking tent and is able to fill people`s bowls and pots with food. He also gets a young woman pregnant and marries her after the woman`s father finds out who the father of the child is. This legend also includes a song by Samson.

ᐋᐅᒄ ᐆ ᒋᐱᔫᒡ ᐋᐦ ᐋᒋᒫᑭᓂᐧᐃᑦ᙮ ᐃᔅᐧᑳᐤ ᑳ ᐃᔮᔪᐧᐃᐦᐄᑯᑦ ᒫᔮᑎᓰᐧᐋᑭᓐᐦ, ᐋᑯᐦ ᑳᐦ ᑳᓱᑦ ᐊᓐ ᓈᐹᔑᔥ᙮ ᐋᑯᐦ ᐹᒫᒋᐦᐋᒡ ᐊᓂᒌ ᐋᐱᑯᔒᔥᐧᑳᐅᒡ ᐊᓂᔮᐦ ᐊᐱᔥᑎᐧᐋᔑᔥᐦ ᐊᓂᔮᐦ ᐃᔅᐧᑳᐤᐦ ᐧᐃᔅᐱᔮᔨᐦᒡ ᑳ ᐃᐦᑖᔨᒡᐦ᙮ ᐋᑯᐦ ᒑᒃ ᐧᐋᒋᒫᑦ ᐊᓐ ᓈᐹᐤ ᓃᔓ ᐅᑯᓯᔅᐦ᙮ ᒑᒃ ᐧᐋᐦᑳᐦᐄᑯᑦ ᐊᓂᔮᐦ ᐅᑯᓯᔅᐦ᙮ ᐋᑯᐦ ᒥᒄ ᒑᒃ ᓈᔑᒡ ᐊᓂᒌ ᓈᐹᔑᔑᒡ᙮ ᐋᑯᐦ ᐊᓐ ᐋ ᐊᐧᐋᔑᔒᐅᐧᐃᑦ ᒋᐱᔫᒡ ᒧᔮᒻ ᐊᐧᐋᔑᔑᐦᒡ ᑳ ᐃᑖᔨᐦᑖᑯᓯᑦ ᐋᑯᐦ ᐊᓂᔮᐦ ᐅᔅᑖᔅᐦ ᒌᐦ ᐄᔅᐱᐦᑎᓯᔨᐤᐦ ᔖᔥ ᒑ ᒌᐦ ᐧᐄᐅᔨᒡᐦ᙮ ᒑᒃ ᒫᒃ ᒦᓐ ᓈᐹᐦᒡ ᐋᓯᓈᑯᓯᑦ, ᐋᔪᐧᐃᑯᓐᐦ ᐋᐦ ᐧᐄᐦ ᐧᐄᒋᒥᑯᑦ ᑳ ᐊᐧᐋᔑᔒᐅᐧᐃᔨᒡᐦ ᐃᔅᐧᑳᐤᐦ᙮ ᓂᒥ ᓂᐦᐋᔨᐦᑎᒻ ᒫᒃ ᒋᐱᔫᒡ ᒑ ᒌᐦ ᐧᐄᒋᒥᑯᑦ᙮ ᐊᓂᔮ ᒫᒃ ᐋᑳ ᐧᐄᐅᑦ, ᒥᐦᒑᑐ ᐃᔅᐧᑳᐤᐦ ᑯᒋᐦᐄᑰ ᒑ ᐧᐄᒋᒥᑯᑦ, ᐋᔑᒄ ᒫᒃ ᓂᒥ ᓂᐦᐋᒋᐦᐄᑰ᙮ ᒑᒃ ᐧᐋᐅᐧᐃᑦ ᐊᓂᔮᐦ ᓃᔥᑎᒻ ᐃᔅᐧᑳᐤᐦ ᑳ ᐋᑎᐧᐋᔨᒫᑦ, ᒑᒃ ᒫᒃ ᐊᒥᔅᑯᐦᒡ ᐋᓯᓈᑯᓯᔨᒡᐦ᙮ ᐋᑯᑎᐦ ᑭᔮᐦ ᓈᑭᒧᑦ ᓵᒥᓯᓐ ᒫᐧᑳᒡ ᐅᔮ ᐋᐦ ᐋᑎᔫᐦᒑᑦ᙮

This is the legend of Chipiyuuch. A boy and his mother are attacked by a cannibal but the child is safely hidden. The mice grandmothers save the fetus from the mother`s organs. After reuniting the father and the two sons, the two sons are at odds with the father. The two brothers live on their own. The younger brother Chipiyuuch pretends to be a small child to attract wives for his brother. After reverting back to his normal self, the second wife wants to marry him but Chipiyuuch refuses. As a bachelor, many women try to be his wife but he always finds a fault. After marrying the original woman, they turn into beaver people. This legend also includes songs.

ᓵᒻᓯᓐ ᓈᐦᐄᑳᐴ ᑭᔮᐦ ᐧᒑᕐᒡ ᐦᐁᑦ ᐋᔨᒧᑎᒧᒡ ᐊᓂᔮ ᐋ ᑯᓵᐱᐦᑖᑭᓂᐧᐃᔨᒡ ᑭᔮᐦ ᐋ ᓂᑎᐧᐋᐱᓈᓂᐧᐃᔨᒡ᙮ ᐋᐅᒄ ᒍᓰ ᓵᒻ ᑳ ᑯᐧᑳᒋᔅᒑᒧᑦ ᒑᐧᑳᔨᐤ᙮

Samson Neacappo and George Head both explain about divination, the shaking tent and the looking into water divination. Josie Sam Sr. is doing the interview.

ᐋᐅᒄ ᐆ ᐋᑎᔫᐦᑳᓐ ᒥᔅᑎᓯᐤᐦ ᑳ ᐅᑎᓂᑯᑦ ᓈᐹᐤ᙮ ᐋᑯᑎᐦ ᓂᒥ ᐅᐦᒋ ᒌᐦ ᐱᑯᐦᐆ ᐊᓐ ᓈᐹᐤ ᐧᐃᒌᐦᒡ ᐋᐦ ᒌᐦ ᐃᐦᑖᑦ᙮ ᒑᒃ ᑳ ᓂᐱᐦᐋᑦ ᐊᓂᔮᐦ ᒥᔅᑎᓯᐤᐦ ᑭᔮᐦ ᐋᑯᑎᐦ ᑳ ᐅᐦᒋ ᐱᑯᐦᐅᑦ᙮

The legend of the Giant Eagle and the man who was taken by the eagle`s wife. The man is stuck on a high mountain with the giant eagles and can only get back down by killing them.

ᓈᐹᐤ ᐧᐋᒋᐦᐋᑦ ᐅᒧᔔᒻᐦ ᒥᔅᑎᓯᐤᐦ᙮ ᐋᑯᐦ ᐃᔮᐧᑳᒥᒥᑯᑦ ᐋᑳ ᒑ ᐱᒥᔅᑯᐦᑖᑦ ᐋᐦ ᐱᐳᓂᔨᒡ ᐧᐋᔥ ᐊᓂᔮᐦ ᐧᐄᐤᐦ ᐊᓐ ᒥᔅᑎᓯᐤ, ᐋᔪᐧᐃᑯᓐᐦ ᓈᐱᐦᐋᔨᒡᐦ ᐄᔨᔨᐤᐦ᙮ ᐧᐋᑎᓂᑯᑦ ᐊᓐ ᓈᐹᐤ ᐊᓂᔮᐦ ᒥᔅᑎᓯᐤᐦ᙮ ᐋᑯᐦ ᐊᓂᑎᐦ ᐅᒋᔥᑐᓂᔨᐦᒡ ᐋᐦ ᐃᐦᑖᑦ, ᒑᒃ ᐧᐋᐧᐋᔑᐹᔨᐦᑎᐦᒃ ᑖᓂᑖᐦ ᒑ ᒌᐦ ᐅᐦᒋ ᒌᐧᐋᑦ᙮ ᓈᐱᐦᐋᑦ ᐊᓂᔮᐦ ᒥᔅᑎᓯᐤᐦ ᐋᔅᐧᑳᓯᐧᒫᑦ ᐅᒋᔥᑐᓂᔨᐤ᙮ ᐹᑯᒑᓈᑦ ᐊᓂᔮᐦ ᒥᔅᑎᓯᐤᐦ, ᐊᓂᑎᐦ ᐲᐦᒡ ᐋᔅᐱᔨᐦᐅᑦ ᐅᔑᑳᔨᐦᒡ, ᐋᑎ ᐧᑳᐦᐧᑳᑎᐱᔨᐦᐅᑦ ᐊᓂᔮ ᐧᐃᒌᔨᐤ᙮

A man helps an injured giant eagle. The eagle warns the man not to cross lakes in the winter because the female giant eagle hunts humans. The man is taken by the female giant eagle. After taken to the nest far away, the man plans to get back down. He kills the eagle family by burning their nest and gets back down by crawling inside the body of the eagle and rolling down the mountain.

ᐋᑎᔫᐦᑳᓐ ᑳᒄ ᑳ ᐅᑎᓈᑦ ᐃᔅᐧᑳᐤᐦ ᑳ ᐧᐄᐦ ᐧᐄᐅᐧᐃᑦ᙮ ᐋᑯᑎᐦ ᑳ ᐱᐦᑯᐦᐋᑦ ᐊᓐ ᓈᐹᐤ ᐊᓂᔮᐦ ᐧᐄᐤᐦ ᑭᔮᐦ ᑳ ᓂᐱᐦᐋᑦ ᐊᓂᔮᐦ ᒥᔥᑖᒄᐦ᙮ ᑖᐹ ᒥᓯᐧᐋ ᐹᐦᑖᑯᓐ ᐆ ᐋᑎᔫᐦᑳᓐ ᐋᐅᒄ ᐋᑯᐦ ᐋᑳ ᐅᐦᒋ ᒥᐧᔮᐧᐋᐱᔨᒡ ᐊᓐ ᐋᐦ ᐹᐦᑖᑯᐦᒡ ᐊᓂᑎᐦ ᑳ ᐋᑎ ᒌᔖᒋᒫᑭᓂᐧᐃᑦ ᐆ ᐋᑎᔫᐦᑳᓐ᙮

The legend of the giant porcupine taking another man`s wife. The man saves his wife and kills the giant porcupine. This legend is incomplete due to the low quality of audio at the end of the legend.

ᐋᐅᒄ ᐋᒋᒫᑭᓂᐧᐃᑦ ᑳ ᐅᑎᔑᑳᑯᑯᐦᐱᐤ᙮ ᐋᐅᒄ ᓈᔥᒡ ᑳ ᒫᔮᑎᓰᑦ ᒋᔖᔨᔨᐤ ᓈᔥᒡ ᐋᐦ ᒌᐦ ᒥᐧᔮᔨᐦᑎᐦᒃ ᐋᐦ ᓂᐱᐦᐋᑦ ᐊᐧᐋᔨᐤᐦ᙮ ᐋᔪᐧᐃᑯᓐᐦ ᑳ ᐅᑎᑯᐦᐱᑦ ᔑᑳᑯᔮᓐᐦ᙮ ᐹᔨᒄ ᐊᓂᑖᐦ ᐅᔅᒋᓃᒋᓯᐤ ᒑᔅᒑᔨᒫᑦ ᑳ ᐃᔮᔪᐧᐃᐦᐋᔨᒡᐦ ᐅᓃᒋᐦᐄᒄᐦ ᐅᔮᐦ ᑳ ᐅᑎᔑᑳᑯᑯᐦᐱᐤᐦ᙮ ᐧᐋᐦᑳᒫᑦ ᐆ ᐅᔅᒋᓃᒋᓯᐤᐦ ᐅᔮᐦ ᒋᔖᔨᔨᐤᐦ ᐊᓂᔮ ᓈᔥᒡ ᐋ ᐧᐄᐦ ᔑᑳᑯᒋᓯᔨᒡᐦ᙮ ᐋᑯᐦ ᐧᐋᐦ ᓂᐱᐦᐋᑦ ᐅᔮᐦ ᐅᒋᔅᓃᒋᓯᐤᐦ ᐅᐦᒋ ᐊᓂᔮ ᐋᐦ ᐱᐦᒋᐳᔮᑦ᙮ ᐊᓂᔮ ᒫᒃ ᐋᑳ ᒌ ᐱᐦᒋᐳᔮᑦ, ᐧᐄᔨ ᑎᔨᑯᒡ ᑳᐦ ᓂᐱᐦᐋᑦ ᐊᓐ ᐅᔅᒋᓃᒋᓯᐤ ᐊᓂᔮᐦ ᑳ ᒫᔮᑎᓯᔨᒡᐦ ᑳ ᐅᑎᔑᑳᑯᑯᐦᐱᐤᐦ ᐅᐦᒋ ᐊᓂᔮᐦ ᐅᑎᔮᑯᔑᔥᐦ ᐋᐦ ᐋᐱᒋᐦᐋᑦ᙮

The legend of Kaa Utishikaakukuhpiu. He was an evil elder who loved killing people. His coat was made from skunk skins. A young man finds out that he was an orphan because Kaa Utishikaakukuhpiu had killed his parents. The young man offends Kaa Utishikaakukuhpiu by saying that he stank. Kaa Utishikaakukuhpiu is determined to kill the young man by poisoning him. After failing to poison the young man, the young man instead kills Kaa Utishikaakuhpiu by using helping spirits.

ᐋᐅᒄ ᐊᓐ ᑳᐱᔑᔑᑯᔑᑦ ᓈᔥᒡ ᒨᔥ ᑳ ᒥᑖᑭᐦᑎᐧᐋᑦ ᐊᐧᐋᔨᐤᐦ ᐋᑳ ᒑ ᒌ ᓂᐱᐦᑖᔨᒡᐦ ᒦᒋᒥᔨᐤ ᐋᐦ ᐊᑎ ᑭᐧᐃᐦᑭᑖᔨᒡᐦ᙮ ᐋᑯᐦ ᒥᔮᔑᐦᐄᑐᒡ ᑳᐱᔑᔑᑯᔑᑦ ᑭᔮᐦ ᑳᐱᔥᑯᑐᐧᐃᑖᐤ᙮ ᒫᑖᐦᑭᐦᑎᐧᐋᑦ ᑳᐱᔑᔑᑯᔑᑦ ᐅᔮᐦ ᑳᐱᔥᑯᑐᐧᐃᑖᐤ ᑭᔮᐦ ᐧᐄᒌᔨᔨᐤᐦ ᐋᑳ ᒑ ᒌᐦ ᓂᐱᐦᑖᔨᒡᐦ ᒑᐧᑳᔨᐤ ᐄᔮᑎ ᐹᔅᒋᓯᒥᔨᒡᐦ᙮ ᐋᑯᐦ ᐧᑳᓵᐱᐦᑎᐦᒃ ᑳᐱᔥᑯᑐᐧᐃᑖᐤ, ᐋᑯᑎᐦ ᐧᑳᒋᐦᐋᑦ ᑳᐱᔑᔑᑯᔑᔨᒡᐦ᙮

Kaapishishikushit has a habit of killing people by placing curses on them and making them starve to death. Two men Kaapishishikushit and Kaapishkutuwitaau have a fight. Kaapishishikushit puts a curse on Kaapishkutukutaau and prevents him and his brother from killing any game. Kaapishkutuwitaau performs the shaking tent to confront Kaapishishikushit.

ᐋᐅᒄ ᐊᓐ ᑳᐱᔑᔑᑯᔑᑦ ᓈᔥᒡ ᒨᔥ ᐋᐦ ᒌᐦ ᒥᑖᑭᐦᑎᐧᐋᑦ ᐊᐧᐋᔨᐤᐦ ᐋᑳ ᒑ ᒌᐦ ᓂᐱᐦᑖᔨᒡᐦ ᒦᒋᒥᔨᐤ ᑭᔮᐦ ᒦᒄ ᓰᑎᐤ ᑳᐦ ᐋᑎ ᑭᐧᐃᐦᑭᑖᔨᒡᐦ᙮ ᐋᑯᐦ ᒥᔮᔑᐦᐄᑐᒡ ᑳᐱᔑᔑᑯᔑᑦ ᑭᔮᐦ ᑳᐱᔥᑯᑐᐧᐃᑖᐤ᙮ ᒫᑖᑭᐦᑎᐧᐋᑦ ᑳᐱᔑᔑᐧᐃᔑᑦ ᐅᔮᐦ ᑳᐱᔥᑯᑐᐧᐃᑖᐤ ᑭᔮᐦ ᐧᐄᒋᐄᔨᔨᐤᐦ ᐋᑳ ᒑ ᒌ ᓂᐱᐦᑖᔨᒡᐦ ᒑᐧᑳᔨᐤ ᐃᔮᑎ ᐹᔅᒋᒥᔨᒡᐦ᙮ ᐋᑯᐦ ᐧᑳᓵᐱᐦᑎᐦᒃ ᑳᐱᔥᑯᑐᐧᐃᑖᐤ, ᐋᑯᑎᐦ ᐧᑳᒋᐦᐋᑦ ᑳᐱᔑᔑᑯᔑᑦ᙮

Kaapishishikushit has a habit of killing people by placing curses on them and making them starve to death. Two men Kaapishishikushit and Kaapishkutuwitaau have an fight. Kaapishishiwishit puts a curse on Kaapishkutuwitaau and prevents him and his brother from killing any game. Kaapishkutuwitaau performs the shaking tent to confront Kaapishishikushit.

ᑳᐅᒋᐦᑯᒥᔑᐤ ᑭᔮᐦ ᐅᒋᔖᔨᔥᐧᑳᒥᔥ ᐹᒥᔥᑳᒡ᙮ ᒑᑭᒧᔨᒡ ᒥᔥᑯᔒᔨᐤ ᐊᓂᑎᐦ ᐅᐳᐦᒡ᙮ ᒫᓂᓂᐦᒃ᙮ ᐊᓂᔮ ᐋᑎ ᑎᐱᔅᑳᔨᒡ, ᓈᔥᒡ ᐋ ᐋᐦᑯᓯᑦ ᐅᔅᐱᑐᓐ᙮ ᓈᑐᑯᐦᐄᓱᑦ ᔑᑳᑯᐱᒦᔨᐤ ᐋᐦ ᐋᐱᒋᐦᑖᑦ᙮ ᒫᔅᑭᐧᐋᐦᐋᑦ ᐊᓂᔮᐦ ᐱᔮᐧᑳᑭᒦᐦ ᑳ ᐃᐦᑐᑖᑯᑦ᙮ ᐋᑯᑎᐦ ᐹᒦᐦᑭᐧᐋᑦ ᐱᔮᐧᑳᑭᒦᐦ ᑭᔮᐦ ᐋᑯᑎᐦ ᐋᑎ ᓂᐱᐦᐋᑦ᙮

Kaauchihkumishiu and his wife are paddling in a canoe. A blade of seaweed is stuck on his paddle. He takes it off with his hand. That night, he arm becomes very sore. He heals himself using oil from a skunk. He finds out that Piyaakwaakimiu was the one that caused this. He goes after Piyaakwaakimiu and kills him.

ᐹᔨᒄ ᐊᓂᑖᐦ ᐃᔅᐧᑳᐤ ᓈᔥᒡ ᐋᑳ ᓂᐦᐋᔨᐦᑎᐦᒃ ᒑ ᐅᓈᐹᒥᑦ᙮ ᐋᑯᐦ ᐧᐋᐦ ᑯᐧᑳᒋᐦᐋᑦ ᑳᐅᒋᐦᐧᑳᒥᔑᐤ ᒑ ᒌᐦ ᐧᐄᐅᐃᑦ᙮ ᓈᑎᐧᐋᐱᒫᑦ ᐊᓂᑎᐦ ᐋᐦ ᐧᐄᒋᔨᒡᐦ᙮ ᐋᑯᐦ ᓂᒥ ᓂᐦᐋᔨᒥᑰ ᒑ ᐧᐄᐦᐹᒫᑦ᙮ ᐧᐋᑎᓈᑦ ᑳᐅᒋᐦᑯᒥᔑᐤ ᐅᑎᐦᑯᒻᐦ, ᐹᒋᔅᑎᓈᑦ ᐊᓂᑎᐦ ᐃᔅᐧᑳᐤᐦ ᐋᐦ ᐃᐦᑖᔨᒡᐦ᙮ ᒑᒃ ᓈᔥᒡ ᐋᐦ ᐅᑎᐦᑯᒧᔨᒡᐦ ᐊᓂᔮᐦ ᐃᔅᐧᑳᐤᐦ, ᓂᒥ ᐃᔥᐱᔑᐦᐄᒫᑭᓂᐧᐃᔨᐤᐦ ᐅᑎᐦᑯᒥᔨᐤᐦ᙮ ᓈᑭᑎᐦᐧᐋᑭᓂᐧᐃᑦ ᐊᓐ ᐃᔅᐧᑳᐤ᙮ ᒑᒃ ᓂᒥ ᐱᔮᑭᔅᒑᔨᐦᑎᒥᐦᐄᑰ ᐊᓐ ᐃᔅᐧᑳᐤ ᐅᑎᐦᑯᒻᐦ᙮

A woman always refuses to marry. Kaauchihkumishiu attempts to marry her. He goes to her camp and stays the night but the woman refuses. Kaauchihkumishiu picks off a louse and puts it on the woman and places a curse on the woman. The woman is infested with lice and is abandoned. The lice drive the woman crazy.

ᓵᒻᓯᓐ ᓈᐦᐄᑳᐴ ᐋᐦ ᐋᒋᒫᑦ ᒫᓱᐦ᙮ ᒫᓱ ᑳ ᒧᐧᐋᑦ ᐧᐋᐦᑯᓐᐦ ᑭᔮᐦ ᑳ ᐅᐦᒋ ᒋᔅᒑᔨᒫᑦ ᒥᒋᔅᑳᐹᐤᐦ᙮ ᒑᒃ ᑳ ᓂᐱᐦᐋᑦ ᒋᔖᔮᑯᔑᔥᐦ ᐧᐋᐧᐋᒡ ᑳ ᒋᑖᑭᓂᐧᐃᔨᒡ ᐅᒦᒋᒻ ᐋᐦᐧᒫᔮ ᒌᐦ ᒦᒋᑦ᙮ ᒑᒃ ᐧᐋᐦ ᐧᐄᐅᐧᐃᑦ ᒫᓱ᙮ ᑳ ᐅᔑᐦᑖᑦ ᐅᒥᐦᑑᑦ ᑭᔮᐦ ᑳ ᐊᔅᒋᐳᑖᔨᒡ ᐊᔅᒌᔨᐤ᙮

Samson Neacappo`s version of the Maashu legend. Maashu eats rock lichen and discovers the fart. Then Maashu kills a bear but the meat is stolen from him. Maashu then finds a wife. Maashu then makes a raft and kills beings that cause a flood. On his raft, they`re able to get under the water and makes the land again.

ᓃᔓ ᒫᔮᑎᓰᐧᐋᑭᓂᒡ, ᒋᔖᔨᔨᐤ ᑭᔮᐦ ᐅᑯᓯᔅᐦ, ᐊᓐ ᓈᐹᐤ ᓃᔓᔅᑭᓂᐤ ᐃᓯᓂᐦᑳᓯᐤ᙮ ᓈᑑᐦᐅᑦ ᓃᔓᔅᑭᓂᐤ, ᒫᔅᑭᐧᐋᑦ ᓈᐹᐤᐦ ᑭᔮᐦ ᐃᔅᐧᑳᐤᐦ ᐋ ᔒᐅᑖᔨᒡᐦ᙮ ᒑᐧᐋᑎᐦᐋᑦ᙮ ᐋᔑᒫᒡ ᐊᓂᔮᐦ ᓈᐹᐤᐦ ᑭᔮᐦ ᐃᔅᐧᑳᐤᐦ, ᒥᒄ ᐋᐦ ᐧᐄᐦ ᑖᐦᒋᐳᐦᐋᒡ᙮ ᐋᑯᐦ ᐊᓐ ᐃᔅᐧᑳᐤ, ᓅᐦᑖ ᐋᑖᑦ ᐊᓂᔮᐦ ᒋᔖᔨᔨᐤᐦ᙮ ᐋᑯᐦ ᒑᔅᑎᒫᒋᐦᑎᐧᐋᑦ ᐊᓐ ᒋᔖᔨᔨᐤ ᐊᓂᔮᐦ ᐃᔅᐧᑳᐤᐦ᙮ ᑭᔮᐦ ᐧᐋᒋᐦᐋᑦ ᒑ ᐊᐅᔑᒫᔨᒡᐦ ᓃᔓᔅᑭᓂᐤᐦ᙮ ᐹᐧᑳᔨᐦᑎᐦᒃ ᓃᔓᔅᑭᓂᐤ ᒑ ᓂᐱᐦᐋᑦ ᐊᓂᔮᐦ ᐃᔅᐧᑳᐤᐦ ᑭᔮᐦ ᓈᐹᐤᐦ᙮ ᐋᑯᐦ ᐧᐋᐦᑎᒫᑯᑦ ᐅᐦᑖᐧᐄᐦ ᒑ ᐱᒋᔨᒡᐦ ᐊᓂᑖᐦ ᐅᔅᑯᑳᓂᐦᒡ ᒑ ᓂᐱᐦᐋᔨᒡᐦ᙮ ᐹᒋᑦ ᓃᔓᔅᑭᓂᐤ, ᐋᑯᑎᐦ ᐧᐋᐦᒋ ᐅᔑᒫᒡ ᐊᓂᒌ ᓈᐹᐤ ᑭᔮᐦ ᐃᔅᐧᑳᐤ᙮ ᐧᐋᒋᐦᐋᑦ ᐊᓐ ᒋᔖᔨᔨᐤ ᐊᓂᔮ ᓈᔥᒡ ᐋ ᓂᔥᐧᑳᒌᐧᐋᑎᓂᔨᒡ᙮ ᐋᑯᑎᐦ ᒋᐦᒋᐧᐋ ᐧᐋᓂᐦᐋᑦ ᐊᓐ ᓃᔓᔅᑭᓂᐤ ᐊᓂᔮᐦ ᑳ ᐧᐄᐦ ᓂᐱᐦᐋᑦ᙮ ᒑᒃ ᒫᔅᑭᐧᐋᑦ ᐃᔅᐧᑳᐤᐦ ᓃᔓᔅᑭᓂᐤ ᐋᐦ ᐹᔨᑯᐱᔨᒡᐦ, ᓈᐱᐦᐋᑦ, ᒑᐧᐋᑎᐦᐋᑦ᙮ ᐋᑯᐦ ᐊᓂᔮᐦ ᐅᓈᐹᒥᔨᐤᐦ, ᒑᔅᒑᔨᐦᑎᒥᔨᒡᐦ ᐋᐦ ᒌᐦ ᐃᔮᔪᐧᐃᐦᐋᑭᓂᐧᐃᔨᒡᐦ ᐧᐄᐤᐦ᙮ ᐋᑯᐦ ᒫᔮᒌᑦ ᐊᓐ ᓈᐹᐤ, ᐹᒋᔅᑖᐦᒃ ᐧᐄᐅᐧᐃᑦ ᐊᓂᑎᐦ ᐅᒫᔅᑭᓈᐦᒡ᙮ ᐋᑯᐦ ᓂᒥ ᒌᐦ ᒥᑎᐦᑖᐤ ᓃᔓᔅᑭᓂᐤ ᐊᓂᔮᐦ ᓈᐹᐤᐦ᙮ ᒑᒃ ᐋᑎ ᓰᑯᓈᔮᔨᐦᑖᑯᓂᔨᒡ, ᒫᔅᑭᐦᒃ ᓃᔓᔅᑭᓂᐤ ᐋᐦ ᐊᑯᑖᔨᒡᐦ ᐆᑦᐦ᙮ ᐋᑯᑖᐦ ᐋ ᐄᔑ ᐱᒋᒡ ᐅᒌ ᒫᔮᑎᓰᐧᐋᑭᓂᒡ᙮ ᔖᓂᐧᐋᐦᐋᒡ ᒑ ᐹᒋ ᓈᒋᐱᒌᔥᑎᒥᔨᒡᐦ ᐄᔨᔨᐤᐦ ᐊᓂᔮᐦ ᐅᑑᑎᔨᐤᐦ᙮ ᒑᒃ ᐱᔮᐱᒋᔨᒡᐦ᙮ ᐋᑯᑎᐦ ᓈᐱᐦᐋᒡ ᐊᓂᔮᐦ ᐄᔨᔨᐤᐦ᙮ ᐋᑯᐦ ᐊᓐ ᓈᐹᐤ ᓈᔥᒡ ᐋᐅᐦᑳᐦᐄᑯᑦ ᐅᔮᐦ ᒫᔮᑎᓰᐧᐋᑭᓐᐦ, ᐊᑯᔮᑦ ᒑ ᓂᐱᐦᐋᑦ ᓃᔓᔅᑭᓂᐤᐦ᙮ ᐋᑯᑎᐦ ᓂᔮᑖᒡ ᐊᓂᔮᐦ ᒫᔮᑎᓰᐧᐋᑭᓐᐦ᙮ ᐧᐋᒋᒫᒡ ᐊᓂᒌ ᐄᔨᔨᐅᒡ ᐊᓂᔮᐦ ᒫᔮᑎᓰᐧᐋᑭᓐᐦ᙮ ᐋᑯᑎᐦ ᐧᐋᐦᒋ ᒥᔪᒋᔅᒑᔨᒫᑦ ᐊᓂᔮ ᒫᔮᑎᓰᐧᐋᑭᓐᐦ, ᐋᑯᑎᐦ ᐧᐋᐦᒋ ᓂᐱᐦᐋᑦ ᐊᓂᔮᐦ ᒫᔮᑎᓰᐧᐋᑭᓐᐦ᙮

The legend of two cannibals, father and son, the son named Niishuskiniu. Niishuskiniu goes hunting and finds a couple who were starving and brings them home. The couple were fed, only to be fattened up. The woman refers to the cannibal elder as `father`. The cannibal elder begins feeling sorry for the couple and plans to help them escape. Niishuskiniu is eager to kill the couple to eat them but his father tells him to find a new place to camp. Niishuskiniu leaves and the couple goes into hiding. The cannibal elder helps them by bringing a strong blizzard. Niishuskiniu finds another camp and kills the woman who was alone at the camp and takes his kill back to his camp. The husband returns to camp and notices that his wife had been killed by Niishuskiniu. The husband leaves and puts a curse on his path. Niishuskiniu follows the husband but the cursed path hinders him. While hunting during the spring, Niishuskiniu finds canoes hung on a rack. The two cannibals move closer to the canoes to wait for the people to journey back to their canoes. The group of people come back to their canoes and build a camp. At night, the cannibals attack the people and kill them. Finally, a man is determined to kill the two cannibals. He and his family move to an area where the cannibals are. The cannibals reach their camp and are invited to stay. After getting to know the cannibals, the man knows how to kill the cannibals and is able to succeed.

ᐋᑎᔫᐦᑳᓐ ᐊᓐ ᒋᔖᔨᔥᐧᑳᔥ ᑭᔮᐦ ᓃᔓ ᐅᑖᓂᔅᐦ ᑳ ᒌ ᓂᐱᐦᐋᒡ ᐄᔨᔨᐤᐦ, ᑳ ᑭᓂᐧᐋᔨᒫᒡ ᓈᐹᔑᔥᐦ ᒥᒄ ᐋᐦ ᐧᐄᐦ ᑖᐦᒋᐳᐦᐋᒡ᙮ ᒑᒃ ᑳ ᑎᑯᔑᓂᔨᒡᐦ ᐅᐦᑯᒥᔅᐦ ᐊᓐ ᓈᐹᔑᔥ ᑳ ᐱᐦᑯᐦᐄᑯᑦ ᑭᔮᐦ ᑳ ᐃᔮᔪᐧᐃᐦᐋᔨᒡᐦ ᐊᓂᔮᐦ ᒫᔮᑎᓰᐧᐋᑭᓐᐦ᙮

Legend of the Cannibalistic Old Woman and two daughters that killed and ate people, keeping a boy only to eat him later. The boy`s uncle comes and rescues him and kills the cannibals.

ᐆ ᐋᑎᔫᐦᑳᓐ ᐃᔅᐧᑳᐤ ᒌᐦ ᑯᔥᑎᒻ ᓂᐲᔨᐤ᙮ ᓂᒧᐃ ᐅᐦᒋ ᒌᐦ ᐧᑳᐱᒑᐤ᙮ ᐅᓈᐹᒻᐦ ᑳ ᒌ ᐧᑳᐱᒑᔨᒡᐦ ᐋᐦᐧᒫᔮᐦ ᒋᑐᐦᑖᔨᒡᐦ᙮ ᐹᔨᐧᑳᐤ ᐧᐋᓂᒋᔅᒋᓯᔨᒡᐦ ᒑ ᐧᑳᐱᒑᔨᒡᐦ᙮ ᒑᒃ ᓈᔥᒡ ᐧᐋᐦ ᒥᓂᐦᐧᑳᑦ ᐊᓐ ᐃᔅᐧᑳᐤ, ᓂᔮᓯᐹᑦ᙮ ᐋᑯᑎᐦ ᐧᐋᒋᐱᑎᑯᑦ ᒥᓂᑑᐦ᙮ ᐊᓂᑖᐦ ᒫᒃ ᓂᐲᐦᒡ ᐋᐦ ᐃᔨᐦᑖᑦ ᐊᓐ ᐃᔅᐧᑳᐤ ᐧᐋᒋᒫᑦ ᐊᓂᔮᐦ ᒥᓂᑑᐦ ᑭᔮᐦ ᓃᔓ ᐅᑯᓯᓯᔨᐤᐦ᙮ ᑖᑯᔑᐦᒃ ᐊᓐ ᓈᐹᐤ, ᓂᒥ ᐃᐦᑖᔨᐤᐦ ᐊᓂᔮᐦ ᐧᐄᐤᐦ᙮ ᐊᓂᑖᐦ ᓂᐲᐦᒡ ᐋ ᐃᑐᐦᑖᑦ ᐊᓐ ᓈᐹᐤ, ᐹᑯᐦᐋᑦ ᐊᓂᔮᐦ ᐧᐄᐤᐦ᙮

This is the ending of the Kuikuhaachaash legend. Kuikuhaachaash and Minituu test each other`s strength to kill each other. Kuikuhaachaash kills Minituu and his wife with arrows. Minituu and his wife are covered in armour.

ᐋᐅᒄ ᐆ ᐋᒋᒫᑭᓂᐧᐃᑦ ᑯᐃᐦᑯᐦᐋᒑᐤ ᑭᔮᐦ ᐧᐋᓂᔫᔮᐤ᙮ ᑯᐃᐦᑯᐦᐋᒑᐤ ᐧᐋᐦᑎᒧᐧᐋᑦ ᐧᐄᒋᔖᓐᐦ ᐋᑳ ᒑ ᓈᑎᒥᔨᒡᐦ ᐧᐋᓂᔫᔮᐤᐦ ᐅᒫᔅᑭᓈᔨᐤ᙮ ᐋᑯᐦ ᐊᓐ ᓯᐦᑯᓵᐹᐤ ᐹᔥᑎᐦᐋᐧᒫᑦ ᐊᓂᔮ ᐅᒫᔅᑭᓈᔨᐤ᙮ ᐋᑯᐦ ᐱᔮᒋ ᓈᑎᑯᒡ ᐧᐋᓂᔫᔮᐤᐦ ᒑ ᓂᐱᐦᐄᑯᒡ᙮ ᐊᓐ ᐧᐋᓂᔫᔮᐤ ᒥᔥᑎᔑᑳᑯᐦᒡ ᐄᓯᓈᑯᓯᐤ, ᐋᑯᐦ ᐊᓐ ᐧᐄᔨ ᑯᐃᐦᑯᐦᐋᒑᐤ ᑯᐃᑯᐦᐋᒑᐦᒡ ᐋᓯᓈᑯᓯᑦ᙮ ᐋᑯᑎᐦ ᐋᑎ ᒧᐦᒌᔥᑖᑐᒡ᙮ ᓈᐱᐦᐋᑦ ᐧᐋᓂᔫᔮᐤᐦ ᒥᒄ ᐴᐦᒑᐱᔥᑳᑯᐧᐋᑦ ᐊᓂᔮ ᐧᐄᑐᒫᔨᑯᔨᐤ᙮ ᐧᐋᐧᐋᐱᐦᑳᑖᑭᓂᐧᐃᔨᒡ ᐅᔥᑎᐧᑳᓐ ᑯᐃᐦᑯᐦᐋᒑᐤ᙮ ᓂᔮᓯᐹᐱᐦᑖᑦ ᒋᐦᒋᑭᒦᐦᒡ᙮ ᒥᔑᐤ ᑳ ᒋᔥᑖᐹᐅᐧᐃᔨᑦ, ᐧᐋᑎᐦᑖᑦ ᒦᓐ ᐧᐄᒋᔖᓐᐦ ᑳ ᐧᐄᒋᒫᔨᒡᐦ ᒥᓂᑑᐦ᙮ ᐊᓐ ᒥᓂᑑ ᓈᔥᒡ ᐋᑳ ᓯᐦᒑᑦ ᒦᒋᒥᔨᐤ᙮ ᐋᑯᐦ ᐃᔮᑎ ᐧᐄᐦ ᓂᐱᐦᐋᑦ ᐊᓐ ᒥᓂᑑ ᐊᓂᔮᐦ ᑯᐃᐦᑯᐦᐋᒑᐤᐦ, ᓂᒥ ᒌᐦ ᐃᐦᑑᑎᐧᐋᐤ ᙮ ᐋᑯᑎᐦ ᐋᑎ ᒫᐦᒋᐱᔨᔨᒡ ᐅᔮ ᑳ ᐋᑎᔫᐦᒑᑦ ᓵᒻᓯᓐ ᐄᔨᐦᐱᓂᒡ ᐋ ᐄᔅᐧᑳᐹᑭᐦᒡ ᐅᑎᐦᐄᑭᓈᔮᐲ᙮

This is the legend of Kuikuhaachaau and Waaniyuuyaau. Kuikuhaachaau warns his siblings that Waaniyuuyaau was near and not to cross his path. But Sikusaapaau accidentally touches Waaniyuuyaau`s path. Waaniyuuyaau goes after Kuikuhaachaau and his family. Waaniyuuyaau transforms into a giant skunk to kill his victims. Kuikuhaachaau transforms into the wolverine and attacks Waaniyuuyaau. Kuikuhaachaau and his family kill Waaniyuuyaau but Kuikuhaachaau gets some of awful stench on his face. His head is wrapped and he goes towards the sea to wash himself. After washing himself in the sea, Kuikuhaachaau finds some family members living with Minituu. Minituu is very selfish and doesn`t share. Minituu and Kuikuhaachaau don`t get along and Minituu tries to kill Kuikuhaachaau unsuccessfully. The legend is abruptly cut due to the length of the tape.

ᐋᐅᒄ ᐆ ᑳᐅᑎᔑᑳᑯᑯᐦᐱᐤ ᑳ ᒫᔮᑎᓰᑦ ᒋᔖᔨᔨᐤ, ᑳ ᒥᐧᔮᔨᐦᑎᐦᒃ ᐋ ᓂᐱᐦᐋᐅᐧᐋᔨᒫᑦ ᐊᐧᐋᔨᐤᐦ᙮ ᐹᔨᒄ ᐅᔅᒋᓃᒋᓯᐤ ᐧᐋᐦᑳᒫᑦ ᐊᓂᔮᐦ ᒋᔖᔨᔨᐤᐦ᙮ ᐋᑯᐦ ᐧᐋᐦ ᐱᐦᒋᐳᔨᑯᑦ ᐊᓐ ᐅᔅᒋᓃᒋᓯᐤ, ᓂᒥ ᒌᐦ ᐃᐦᑐᑖᑰ᙮ ᒑᒃ ᐧᒫᔖᐧᐋᐦᒃ ᐊᓐ ᐅᔅᒋᓃᒋᓯᐤ ᒑ ᒫᔑᐦᐋᑦ ᐊᓂᔮᐦ ᑳᐅᑎᔑᑳᑯᑯᐦᐱᐤᐦ᙮ ᐋᑯᐦ ᐊᓐ ᐅᔅᒋᓃᒋᓯᐤ ᑎᔨᑯᒡ ᐧᐄᔨ ᑳᐦ ᓂᐱᐦᐋᑦ ᐊᓂᔮᐦ ᑳ ᒫᔮᑎᓯᔨᒡᐦ ᑳᐅᑎᔑᑳᑯᑯᐦᐱᐤᐦ᙮

Skunk Coat is an elder who liked killing people. A young man offended him and Skunk Coat wants to kill him by poisoning him but is not successful. The young man moves away and waits for the elder to come. In return, the young man kills the evil Skunk Coat.

ᐄᔨᔨᐅᒡ ᐧᐋᒋᒫᒡ ᐧᐋᐱᓅᑖᐅᐄᔨᔨᐤᐦ᙮ ᐹᔨᒄ ᐊᓐ ᐧᐋᐱᓅᑖᐅᐄᔨᔨᐤ ᒫᔅᑭᒫᑦ ᐊᓂᔮᐦ ᐹᔨᒄ ᐄᔨᔨᐤᐦ ᐧᐄᐅᔨᐤᐦ᙮ ᐋᑯᐦ ᓂᒥ ᐱᒫᔨᒫᐤ ᐊᓂᔮᐦ ᐧᐋᐱᓅᑖᐅᐄᔨᔨᐤᐦ᙮ ᒑᒃ ᒑᔅᒑᔨᐦᑎᐦᒃ ᐊᓐ ᓈᐹᐤ ᒑ ᐅᑎᐦᑎᑯᒡ ᒫᔮᑎᓰᐧᐋᑭᓐᐦ, ᐋᑯᐦ ᒥᒄ ᒥᔮᔮᔨᒥᑯᑦ ᐊᓂᔮᐦ ᐧᐋᐱᓅᑖᐅᐄᔨᔨᐤᐦ᙮ ᒑᒃ ᐧᐋᑎᐦᑎᑯᒡ ᐊᓂᔮᐦ ᒫᔮᑎᓰᐧᐋᑭᓐᐦ᙮ ᓈᐱᐦᐋᑭᓂᐅᐧᐃᒡ ᐊᓂᒌ ᐧᐋᐱᓅᑖᐅᐄᔨᔨᐅᒡ ᐊᓂᑎᐦ ᐅᔖᐳᐦᑐᐧᐋᓂᐧᐋᐦᒡ᙮ ᐋᑯᐦ ᒫᒃ ᐧᐄᔨᐧᐋᐤ ᐊᓂᒌ ᐄᔨᔨᐅᒡ ᓈᐱᐦᐋᒡ ᐊᓂᔮᐦ ᒫᔮᑎᓰᐧᐋᑭᓐᐦ᙮

A group of Cree from Fort George live with a group of Naskapi from Fort Chimo. A Naskapi man takes a wife away from a Cree man. The Cree does not fight back. The Cree man senses that a cannibal will reach their camp and the Naskapi mock him. The cannibal reaches the camp and kills everyone in the Naskapi lodge but the Cree were able to kill the cannibal.

ᐹᔨᐧᑳᐤ ᒋᔖᔨᔨᐤ ᓈᔥᒡ ᐋᐦ ᒌᐦ ᒫᔮᑎᓰᑦ᙮ ᐋᑯᐦ ᐅᓂᐦᐋᒋᒻᐦ ᐧᐋᐦ ᓂᔥᑯᔥᑖᑯᑦ᙮ ᐊᓐ ᐅᓯᓯᒫᐤ ᑭᔮᐦ ᐅᓂᐦᐋᒋᒻᐦ ᓂᔮᓈᑭᒋᐦᐄᐧᐋᒡ ᐋᐦ ᑑᐦᐧᐋᓂᐧᐃᔨᒡ᙮ ᐋᑯᐦ ᓂᒥ ᐴᐦᒋᐱᔨᐦᑖᔨᐤᐦ ᐅᒫᑎᐧᐋᓰᒻᐦ ᐊᓐ ᐅᓯᓯᒫᐤ᙮ ᐧᐋᐦᑳᐦᐄᑯᑦ ᐊᓂᔮᐦ ᐅᓂᐦᐋᒋᒻᐦ ᑳ ᒫᑎᐧᐋᔨᒡᐦ᙮ ᐧᐋᐦ ᐋᐦᑯᐦᐋᑦ᙮ ᐋᑯᐦ ᐊᓐ ᐅᔅᒋᓃᒋᓯᐤ ᓂᔮᑭᑎᐧᐋᔨᒫᑦ ᐧᐄᒌᔨᔨᐤᐦ ᐅᐦᒋ ᐊᓂᔮ ᐅᒥᑖᐧᐋᑎᓰᐧᐃᓐ ᐋ ᐋᐱᒋᐦᑖᑦ᙮ ᐊᓂᔮ ᒫᒃ ᐋᑎ ᑎᐧᑳᒋᓂᔨᒡ, ᑖᑎᐹᓐ ᐋᔑ ᑯᓯᐱᐦᐊᒡ, ᐋᑯᑎᐦ ᐧᐋᐦ ᒫᔮᔨᒫᑦ ᐊᓐ ᐅᓯᓯᒫᐤ ᐅᓂᐦᐋᒋᒻᐦ᙮ ᓂᒥ ᒌᐦ ᐃᐦᑐᑎᐧᐋᐤ, ᐱᔮᒋᒌᐧᐋᓂᒫᑯᑦ ᐊᓂᔮ ᐧᐋᐦ ᐃᐦᑐᑎᐧᐋᑦ᙮ ᐊᓂᔮ ᒫᒃ ᐋᑎ ᐱᐳᓂᔨᒡ, ᒑᒃ ᐋᑎ ᐅᐧᐋᓂᐦᑭᑖᒡ ᐊᓂᒌ ᐅᓯᓯᒫᐤ ᑭᔮᐦ ᐅᑏᔨᔨᒻᐦ᙮ ᓈᐱᐦᐋᑦ ᐊᓂᔮᐦ ᐅᐧᐄᒋᒫᑭᓐᐦ ᐊᓐ ᐊᒑᓐ᙮ ᐊᓂᔮ ᒫᒃ ᐋᑎ ᓰᑯᓂᔨᒡ, ᐱᔮᐦᑎᐧᐋᑦ ᐊᓂᒌ ᐅᔅᒋᓃᒋᓯᐅᒡ ᐊᓂᔮᐦ ᐊᒑᓐᐦ᙮ ᒫᐧᑳᒡ ᒫᒃ ᐋᐦ ᐱᒥᔥᑳᒡ, ᐱᔮᒋ ᓈᑎᐦᐅᑯᒡ᙮ ᐋᑯᑎᐦ ᓈᐱᐦᐋᒡ ᐋᐦ ᒋᑭᐦᐧᑳᑖᒡ ᐊᓂᑖᐦ ᓂᐲᐦᒡ᙮

A man was very cruel. His son-in-law is determined to get back at him. The father-in-law and son-in-law watch a game of ball. As the game goes on, the father-in-law`s team does not score. He gets angry and tries to hurt the young man`s brothers. But the young man protects his brothers with his power. As the camp separates to hunt in different areas for the winter, the father-in-law tries to put a curse on the young man but the young man returns it. As the winter progresses, the bad father-in-law`s camp becomes hungry and starts cannibalizing on the other camp members. In the spring, the young man and his brothers hear the cannibal coming for them. As the young men paddle, the cannibal swims after them but they kill him in the water by spearing him.

ᓵᒻᓯᓐ ᑎᐹᒋᒨ ᐊᓂᑖᐦ ᐧᐋᔥᑭᒡ ᑳ ᐃᐦᑎᓈᓂᐧᐃᔨᒡ᙮ ᐋᔪᐧᐃᒄ ᐄᔥᒌᒫᐅᒡ ᑳ ᓂᐱᐦᐋᒡ ᐅᒋᒫᐤᐦ ᐊᓂᑖᐦ ᐧᐋᐱᒫᑯᔥᑐᔑᔑᐦᒡ ᑭᔮᐦ ᑳ ᐅᑎᓂᐦᒡ ᐊᓂᔮ ᒑᐧᑳᔨᐤ ᑳ ᐃᐦᑎᑯᓂᔨᒡ ᐊᑖᐧᐋᐅᑭᒥᑯᐦᒡ᙮ ᐊᓂᒌ ᒫᒃ ᐄᔨᔨᐅᒡ ᐊᓂᑖᐦ ᒨᓱᓂᐦᒡ ᐋ ᐅᐦᒌᒡ, ᑳ ᒌ ᐹᒋ ᐱᒥᔥᑳᒡ ᐋᐦ ᐹᒋ ᓂᑐᐱᔨᔥᑎᐧᐋᒡ ᐊᓂᔮᐦ ᐄᔥᒌᒫᐤᐦ ᐅᐦᒋ ᐊᓂᔮ ᑳ ᐄᔅᐱᔨᔨᒡ ᐊᓂᑖᐦ ᐧᐋᐱᒫᑯᔥᑐᔑᔑᐦᒡ᙮ ᐄᔨᔨᐤᐦ ᑭᔮᐦ ᓂᔮᓂᑯᑐᓐᐦ ᒌᐦ ᐄᔮᔪᐧᐃᐦᐋᐧᐃᒡ᙮ ᐊᓂᑎᐦ ᐹᔨᐧᑳᐤ ᐋᐦ ᐧᐄᒋᒡ ᐄᔨᔨᐅᒡ ᐊᓂᑖᐦ ᐊᐅᑭᑳᒻ ᐋ ᐧᐃᔨᐧᐋᒡ ᐧᐋᐱᒫᑯᔥᑐᓰᐲᔨᐤ, ᐱᔮᒋ ᐱᒥᔥᑳᔨᒡᐦ ᐊᓂᔮᐦ ᒨᓱᓂᐦᒡ ᑳ ᐅᐦᒌᒡᐦ, ᐋᐦ ᐹᒋ ᐧᐃᔨᐹᑭᓂᔨᒡᐦ ᐅᑎᑯᑖᓱᓂᔨᐤᐦ᙮ ᐋᔪᐧᐃᒄ ᐋᑯᐦ ᐊᓂᔮ ᐋᐦ ᐧᐄᐦ ᐹᒋ ᓂᑐᐱᔨᔨᒡᐦ᙮ ᐊᓂᔮ ᒫᒃ ᐧᒫᐦᒡ ᐧᐋᐦ ᐹᒋ ᓵᔅᒋᐱᑎᐦᒡᐦ ᐊᓂᔮᐦ ᐅᑑᑎᐧᐋᐤᐦ, ᓂᔮᓯᐹᐱᐦᐄᑐᒡ ᓃᔓ ᒋᔖᔨᔨᐅᒡ᙮ ᐋᐦᐧᒫᔮᐦ ᒌᐦ ᒨᐦᒌᔥᑖᑯᒡ, ᓈᔥᑯᔥᑎᐧᐋᒡ ᐊᓂᒌ ᒋᔖᔨᔨᐅᒡ, ᐋᑯᑎᐦ ᓈᔥᑎᔨᒡ ᒑᐱᐦᒋᐦᐋᒡ ᐊᓂᔮᐦ ᑳ ᐧᐄᐦ ᐹᒋ ᓂᑐᐱᔨᔨᒡᐦ᙮ ᐊᓂᑖᐦ ᐊᑳᒥᐦᒡ ᑳᐹᒡ ᐊᓂᒌ ᑳ ᒥᔑᑳᒡ, ᐱᔮᒋ ᐃᑎᔑᐦᐊᒡ ᐱᔮᓰᐦᑳᓐᐦ᙮ ᒋᔖᔨᔨᐤ ᒫᔅᑭᐦᐆᑯᑦ, ᓂᒥ ᒌᐦ ᓈᔥᐱᑎᔥᑳᑰ᙮ ᐋᑯᐦ ᒑᐧᐋᓂᒧᐧᐋᒡ ᐊᓂᔮᐦ ᐱᔮᓰᐦᑳᓐᐦ ᐊᓂᒌ ᐄᔨᔨᐅᒡ, ᐋᑯᐦ ᓈᐱᐦᐄᑯᔨᒡᐦ ᐊᓂᔮᐦ ᑳᓃᑳᓂᔥᑳᑯᔨᒡᐦ᙮ ᐋᑯᐦ ᒑᐧᐋᐱᔨᐦᐧᐃᔨᒡᐦ ᐊᓂᔮᐦ ᐧᐹᑦᐦ ᑳ ᐧᐄᐦ ᒨᐦᒌᔥᑖᑯᒡ᙮

Samson tells a story of long ago. Inuit had killed the store manager at Little Whale River and stole the supplies there. Natives from the south, probably from Moose Factory used to come up the coast to kill Inuit because of what happened in Little Whale River. They also killed the Cree from that area also. A group of Cree camped at the south side of Whapmagoostui. Two boats of raiders came from the south with black flags. This meant there were coming to fight. As the raiders beached their boats, two elders ran down to meet them. Before the raiders could fight, the elders kicked them back. The fight was stopped. As the raiders camped on the other side of the river, they sent a flying killing amulet to the other side. An elder got hit by it but was able to survive. The Cree returned the same flying killing amulet and killed the leader of the raiders. The raiders fled.